Woneem de Sünn riest
över de Oostsee
Plattdüütsche Miniaturen

vun Reinhart Grimm

Wat uns in’t Leven so allens tostött,
wat uns dör’n Bregen geiht, wat för snaaksche Lüüd wi bemööt un wat för leeftallige Lüüd, wat sik in histoorsch Tieden villicht todragen hett un wat sik morgen todragen kunn – dor geiht dat üm in de 25 Geschichten vun düt Book: üm Rootsteert un Rungholt, Schelmen un Schuld, Walzer un Wiehnachtsmann, Kinner un KI. En Moral hefft se all nich, de Geschichten, man all bargt en Överraschen, en Kniepöögen un bannig veel Höög. Dat veelstimmig Kunzert in en wunnerbaar musikaalsch Platt kann jedereen verstahn – mit dat utföhrlich Glossar achtern in’t Book.

Leesproov ankieken (PDF-Datei)

ISBN 978-3-9826815-5-9
188 Sieden, Pries: 12,- Euro